ایک نیوز : سینئر پاپ اسٹار علی عظمت کی سالگرہ مناتے ہوئے ویڈیو سوشل میڈیا پر وائرل ہو گئی ۔علی عظمت کو دوست کے منہ میں سالگرہ کا کیک ٹھونسنا مہنگا پڑ گیا۔
View this post on Instagram
علی عظمت نے گزشتہ دنوں اپنی 53ویں سالگرہ منائی۔اس موقع سے وائرل ہونے والی ویڈیو میں علی عظمت کو خوب ہلا گُلا کرتے ہوئے دیکھا جا سکتا ہے۔ویڈیو پر تنقید کا سبب علی عظمت کا اپنے مہمان کو دبوچنا اور زبردستی اُن کے منہ میں سالگرہ کا کیک ٹھونسنا ہے۔
ویڈیو میں دیکھا جا سکتا ہے کہ علی عظمت کی سالگرہ کی تقریب میں موجود ایک مہمان کیک کی جانب بڑھتا ہے جسے علی عظمت اپنے بازوؤں میں دبوچ لیتے ہیں اور اُن کے منہ میں زبردستی کیک ٹھونس دیتے ہیں۔
علی عظمت کی وائرل اس ویڈیو میں اُن کے چند دوستوں کی جانب سے اُنہیں اس حرکت سے روکتے ہوئے بھی دیکھا جا سکتا ہے۔
سوشل میڈیا پر وائرل اس ویڈیو کے کمنٹ باکس میں صارفین اپنی رائے کا اظہار کر رہے ہیں۔
انٹرنیٹ صارفین کا کہنا ہے کہ علی عظمت کا یہ رویہ اچھا نہیں ہے، علی عظمت اپنے ہوش و حواس سے باہر لگ رہے ہیں۔