ایک نیوز: کراچی میں ڈاکو راہ جاتی خاتون کو لوٹنے پہنچے تو خاتون نے ان کی واپسی کی دوڑیں لگوادیں۔
تفصیلات کے مطابق کراچی میں راہ جاتی خاتون کو موٹرسائیکل پر سوار 3 ڈکیتوں نے لوٹنے کی کوشش کی جس پر خاتون نے انہیں پستول دکھا کر واپسی کی راہ دکھا دی۔ سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ ایک خاتون سڑک کنارے جا رہی تھی کہ موٹرسائیکل پر سوار 3 ڈاکو پیچھے سے آئے اور خاتون کے سامنے موٹرسائیکل روک لی۔
موٹر سائیکل روکتے ہی خاتون نے موٹرسائیکل سوار ڈاکوؤں کو پستول دکھا دی جسے دیکھتے ہی ڈاکوؤں نے موٹرسائیکل واپس موڑ لی اور فرار ہو گئے۔