پنجاب بھر میں ڈینگی کے وار جاری،نئے128کیسز رپورٹ 

ایک نیوز:لاہور سمیت پنجاب بھر میں ڈینگی کے وار جاری ہیں،گزشتہ چوبیس گھنٹوں میں صوبہ میں ڈینگی کے 128 کیسز رپورٹ ہوئے ۔
ایک ہفتہ میں 794 جبکہ رواں سال اب تک 4785 ڈینگی کے کیسز رپورٹ ہوئے ،گزشتہ چوبیس گھنٹوں میں پنجاب میں ایک مریض جاں بحق ہوا ،گزشتہ ایک ہفتہ میں پنجاب میں 2 اموات ، ایک ماہ میں سات اموات ہوئیں ۔
گزشتہ چوبیس گھنٹوں میں راولپنڈی سے 112 جبکہ لاہور اور شیخوپورہ سے2،2ڈینگی کے کیس رپور ٹ ہوئے، اٹک اور پاکپتن سے 3,3ڈینگی کے کیس رپورٹ ہوئے ،گوجرانوالہ، چکوال، میانوالی، چنیوٹ، حافظ آباد اور لیہ سے ایک ایک کیس رپورٹ ہوئے۔ 
محکمہ صحت نے انسداد ڈینگی کے لئے تمام انتظامات مکمل کر رکھے ہیں، تمام سرکاری ہسپتالوں میں ڈینگی سمیت دیگر ادویات کا سٹاک موجود ہے۔