پٹرول کی قیمتیں بڑھیں گی یا کم ہوں گی؟اوگرا نے مسودہ تیار کرلیا

ایک نیوز :عالمی مارکیٹ میں کروڈ آئل کی قیمت میں فی بیرل 5 ڈالر کمی کے بعد پاکستان میں بھی پٹرول کی قیمتوں میں کمی کا امکان ظاہر کیا جارہا ہے ۔
میڈیا رپورٹس کے مطابق یکم نومبر سے پاکستان میں بھی پٹرولیم مصنوعات کی قیمتوں میں بھاری کمی کا امکان ہے۔آئندہ ماہ پٹرول کی قیمت میں 20 روپے فی لٹر کمی کا امکان ہے جبکہ ہائی سپیڈ ڈیزل کی قیمت میں 16 روپے فی لٹر کمی متوقع ہے،لائٹ ڈیزل آئل اور مٹی کا تیل بھی سستا ہوگا۔
اوگرا نے پٹرولیم مصنوعات کی قیمتوں کا ابتدائی مسودہ تیار کر لیا۔ پٹرولیم مصنوعات کی قیمتوں میں کمی کی حتمی سمری 31 اکتوبر کو پٹرولیم ڈویژن کو ارسال کی جائے گی۔یاد رہے 16 اکتوبر کو پٹرول 40 روپے جبکہ ڈیزل15 روپے فی لٹر سستا کیا گیا تھا۔