حیدر حسین کی جگہ رانا مجاہد پاکستان ہاکی فیڈریشن کے سیکرٹری منتخب

ایک نیوز : حیدر حسین کی جگہ رانا مجاہد کو پاکستان ہاکی فیڈریشن کے سیکرٹری منتخب کرلیاگیا۔
پاکستان ہاکی فیڈریشن کے سیکرٹری اور جوائنٹ سیکرٹری کے انتخاب کا فیصلہ پاکستان ہاکی فیڈریشن کی جنرل کونسل میٹنگ میں متفقہ طور پر کیا گیا۔ متفقہ فیصلوں کے تحت حیدر حسین کی جگہ رانا مجاہد  کو پاکستان ہاکی فیڈریشن کے سیکرٹری اور کرنل ریٹائرڈ آصف کھوکھر  کو جوائنٹ سیکرٹری منتخب کیا گیا۔
ذرائع کے مطابق  سیکرٹری اور جوائنٹ سیکرٹری اکتوبر 2026 تک پاکستان ہاکی فیڈریشن میں فرائض انجام دیں گے۔
 جنرل کونسل کی میٹنگ کے حوالے سے صدر پی ایچ ایف باقاعدہ پریس کانفرنس بھی کریں گے۔