ایک نیوز: پاکستان مسلم لیگ ن کے قائد اور سابق وزیراعظم نواز شریف نے وطن واپسی کے بعد آج کل مری میں ڈیرے جما رکھے ہیں۔ جہاں اب ان کا قیام مزید 2 سے 3 روز بڑھ گیا ہے۔
پارٹی ذرائع کے مطابق سابق وزیر اعظم نواز شریف مری میں اپنی رہائش گاہ پر مزید 2 سے 3 دن قیام کریں گے۔ سابق وزیراعظم کے ہمراہ مریم نواز، پرویز رشید اور سابق وفاقی وزیر اسحاق ڈار بھی موجود ہیں۔
ذرائع کا مزید کہنا ہے کہ مری میں بھی آج مسلم لیگ ن کے قائد کی اہم ملاقاتیں متوقع ہیں۔ سابق وزیراعظم نواز شریف مری میں مقامی قیادت سے بھی ملاقات کریں گے۔
دوسری جانب صدر مسلم لیگ ن شہباز شریف اپنی رہائش گاہ ماڈل ٹاؤن میں موجود ہیں۔