ایک نیوز نیوز: پاک فوج نے سینئر صحافی ارشد شریف کے قتل کی تحقیقات کے لیے حکومت پاکستان کو خط لکھ دیا۔
جنرل ہیڈ کوارٹرز (جی ایچ کیو) راولپنڈی کی جانب سے حکو مت کو ارشد شریف کے قتل کے معاملے کی مکمل تحقیقات کے لیے خط لکھا گیا ہے۔
جی ایچ کیو کی جانب سے خط میں ارشد شریف کے معاملے پر کمیشن بنانے کی بھی استدعا کی گئی ہے۔
خط میں کہا گیا ہےکہ اس معاملے کا الزام اداروں پر لگانے والوں کے خلاف بھی سخت کارروائی کی جائے۔
واضح رہےکہ اسلام آباد ہائیکورٹ نے ارشد شریف کے قتل کی تحقیقات کے لیے فوری جوڈیشل کمیشن بنانے کی استدعا مسترد کردی ہے جب کہ وزیراعظم نے اس معاملے پر تحقیقات کے لیے جوڈیشل کمیشن بنانے کا فیصلہ کیا ہے۔