ایک نیوز: ارجنٹینا کے اسٹار فٹبالر اور ورلڈ کپ فاتح کپتان لیونل میسی نے ایک اور کامیابی اپنے نام کرلی ہے۔
رپورٹ کے مطابق کرسٹیانو رونالڈو کے بعد لیونل میسی 800 گول کرنے والے دنیا کے دوسرے فٹبالر بن گئے ہیں۔ورلڈ کپ جیتنے کے بعد ارجنٹینا فٹبال ٹیم پہلی بار ہوم گراؤنڈ میں ایکشن میں نظر آئی اور پناما کو میچ میں 2 گول سے شکست دے دی۔ ارجنٹینا کے تھیاگو المادا نے گول کر کے ٹیم کو برتری دلائی لیکن لیونل میسی نے ٹیم کے لیے دوسرا گول کیا۔
ارجنٹینا کی ٹیم نے 2 صفر سے کامیابی کے بعد ورلڈ کپ ٹرافی کی کامیابی کا جشن بھی منایا۔
واضح رہے کہ 2021 میں دنیا کے معروف فٹبال کھلاڑی کرسٹینا رونالڈو نے 800 گول مکمل کیے تھے۔