پاکستان کی تاریخ کا پہلارمضان کرکٹ ٹورنامنٹ 28مارچ سے شروع ہوگا

ایک نیوز:لاہورمیں پاکستان کی تاریخ کا پہلارمضان کرکٹ ٹورنامنٹ 28مارچ سے شروع ہوگا۔
تفصیلات کے مطابق ڈائریکٹر کرکٹ اور ڈائریکٹر آپریشنز غنی انسٹیٹیوٹ آف کرکٹ کامیڈیاسےگفتگوکرتے ہوئے کہناتھاکہ ٹورنامنٹ 28 مارچ سے 4 اپریل تک لاہور میں کھیلا جائے گا۔
سابق کپتان سلمان بٹ کا کہناتھا کہ رمضان کرکٹ ٹورنامنٹ میں 8 ٹیمیں شرکت کریں گی۔ ہر ٹیم میں دو قومی کھلاڑی ان ایکشن ہوں گے ۔ بابر اعظم ،شاداب خان ، اعظم خان، احسان اللہ، عثمان قادر، عمر اکمل سمیت کئی کھلاڑی شرکت کریں گے۔
ڈائریکٹر آپریشنز کرنل ریٹائرڈ سلیم ڈار کا کہنا تھا کہ رمضان ٹورنامنٹ کروانے کا مقصد نوجوان کھلاڑیوں کو پلیٹ فارم مہیا کرنا ہے۔
منتظمین کاکہناتھاکہ ٹورنامنٹ کیلئے 52 لاکھ روپے انعامی رقم رکھی گئی ہے۔ جیتنے والی ٹیم کو 25 لاکھ اور رنز اپ کو 10 لاکھ روپے دیے جائیں گے۔ مین آف دی میچ، بیسٹ باولر، بیسٹ بیٹر آف دی ٹورنامنٹ کو بھی انعامات سے نوازا جائے گا۔