ایک نیوز: پاک فوج کا قوم کو ایک اور نایاب تحفہ، ماضی میں دہشتگردوں کی پناہ گاہ اور اقتصادی لحاظ سے پسماندہ سمجھے جانے والے وسطی کرم میں 16 سال بعد پاک فوج کے تعاون سے کوئلے کی کانوں کا آغاز ہوا۔
وسطی کرم میں موجود 170 کانوں میں سے 62 کوئلے کی کانوں کا افتتاح کر دیا گیا، کوئلہ کان میں لگ بھگ 650 سے زائد مزدور مختلف علاقوں میں موجود کانوں میں کام کر رہے ہیں، اور روزانہ کی بنیاد پر مزدوروں اور روزگار کی تعداد میں اضافہ ہو رہا ہے۔
کوئلہ کان کی سرگرمیوں کی وجہ سے تقریباً 5000 سے زائد ملازمتوں کے مواقع پیدا ہوئے، 2500 سے زائد خاندان کان کنی کے روزگار سے مستفید ہو رہے ہیں، سکیورٹی فورسز نے دہشتگردی کے خلاف ایک اور سنگ میل عبور کرتے ہوئے کُرم سے دہشتگردی کا خاتمہ بھی کیا۔
مقامی لوگوں کا کہنا ہے کہ ابتداء میں خاصی مشکلات تھیں مگر اب مقامی حکومت اور سکیورٹی فورسز کی کاوشوں سے ہمارے کافی مسائل حل ہوچکے ہیں علاقہ سے باہر بھی متعدد افراد کو روزگار کی فراہمی کے ساتھ ساتھ علاقے کے لوگوں کی دیگر مشکلات میں کافی حد تک کمی آئی ہے، علاقہ مکین پاک فوج کی کاوشوں کے معترف ہیں۔