سماجی رابطوں کی ویب سائٹ ٹوئٹر پر پیغام جاری کرتے ہوئے وفاقی وزیر سائنس و ٹیکنالوجی فواد چودھری نے ملتان سلطانز کو نیا چمپئین بننے پر بہت مبارک دی۔وفاقی وزیر نے لکھا کہ رضوان، بابر اعظم اور پاکستانی ہیروز کے ساتھ ان تمام غیر ملکی ہیروز کا بھی شکریہ جنہوں نے کرکٹ کا یہ شاندار میلہ سجایا۔ فواد چوہدری نے کہا کہ اب اگلا میلہ سجنے کو ہے۔ انہوںنے شائقین کرکٹ کو خوشخبری سنائی کہ ہم نے انگلینڈ پاکستان سیریز دکھانے کا مسئلہ حل کر لیا ہے۔
ملتان سلطانز کو نیا چمپئین بننے پر بہت مبارک، رضوان ،بابر اعظم اور پاکستانی ہیروزکے ساتھ ان تمام غیر ملکی ہیروز کا بھی شکریہ جنہوں نے کرکٹ کا یہ شاندار میلہ سجایا، اب اگلا میلہ سجنے کو ہے اور یہاں میں یہ بھی بتاتا چلوں کہ ہم نے انگلینڈ پاکستان سیریز دکھانے کا مسئلہ حل کر لیا ہے
— Ch Fawad Hussain (@fawadchaudhry) June 25, 2021
واضح رہے کہ پاکستان انگلینڈ سیریز کے بارے میں کہا جارہا تھا کہ وہ پاکستان میں نہیں دکھائی جاسکے گی، تاہم اب وزیراطلاعات نے برادکاسٹنگ کا معاملہ حل کرلیا ہے۔ فواد چوہدری کا اس سے قبل کہنا تھا کہ سرکاری ٹی وی نے انگلینڈ پاکستان کرکٹ سیریز دکھانے کے لئے اسٹار اور سونی سے معاہدہ کرنے کی اجازت طلب کی تھی، اسے مسترد کر دیا گیا ہے۔