تیز ہواؤں اور گرج چمک کیساتھ بارش ،محکمہ موسمیات کی پیش گوئی

ایک نیوز :محکمہ موسمیات نے اتوار کے روز اسلام آباد، جہلم ، گجرات، سیالکوٹ، راولپنڈی،چکوال، مری ، گلیات اور گردو نواح میں تیز ہواؤں اورگرج چمک کے ساتھ  بارش کا امکان ہے۔
تفصیلات کےمطابق محکمہ موسمیات نے کہا کہ اتوار کے روز ملک کے بیشترعلا قوں میں موسم خشک جبکہ بالائی علاقوں میں جزوی ابرآلود رہے گا۔ بالائی خیبرپختونخوا ، خطہ پوٹھو ہار،گلگت بلتستان اور کشمیر میں چند مقا مات پر تیز ہواؤں اور گرج چمک کے ساتھ بارش کا امکان ہے۔  اسلام آباد میں صبح کے اوقات میں تیز ہواؤں اور گرج چمک کے ساتھ بارش کا امکان  ہے۔
پنجاب  کے بیشتر علاقوں میں موسم خشک اور جزوی ابرآلود رہے گا  تاہم صبح کے اوقات میں جہلم ، گجرات، سیالکوٹ، راولپنڈی،چکوال، مری ، گلیات اور گردو نواح میں تیز ہواؤں اورگرج چمک کے ساتھ ہلکی بارش کا امکان ہے۔ سندھ  کے بیشتر اضلاع میں موسم خشک جبکہ دن کے دوران گرم رہے گا ۔
محکمہ موسمیات کے مطابق خیبر پختونخوا کے بیشتر علاقوں میں مطلع جزوی ابرآلود رہے گا تاہم صبح کے اوقات میں سوات، مالاکنڈ، چترال، دیر، کوہستان، مانسہرہ، بالاکوٹ اور کرم میں تیز ہواؤں اورگرج چمک کے ساتھ بارش کا امکان ہے۔ بلوچستان  کے بیشتر اضلاع میں موسم خشک اور تیز ہوائیں چلنے کا امکان ہے۔