قائداعظم عظیم قوم کی تشکیل کے نظریہ کے علمبردار تھے:وزیراعلیٰ پنجاب

ایک نیوز:وزیر اعلیٰ پنجاب مریم نواز کاقائداعظم محمد علی جناح کے یومِ ولادت پر کہنا تھا کہ حروف عقیدت محمد علی جناح کی بے مثال قیادت، غیر متزلزل عزم اور انتھک محنت کو خراج عقیدت پیش کرتی ہوں۔
مریم نواز نے کہا کہ قائداعظم اتحاد، ایمان اور تنظیم کی بنیاد پر عظیم قوم کی تشکیل کے نظریہ کے علمبردار ہیں ، قائداعظم کا خواب ایسا پاکستان ہے جہاں ہر شہری کو مساوات، انصاف اور ترقی کے یکساں مواقع میسر ہوں۔
مریم نواز کا مزید کہنا تھا کہ محمد علی جناح کا پاکستان امن، محبت، اور ترقی کی علامت ہے، اسی خواب کو حقیقت میں بدلنے کے لیے توانائی وقف کیں ہیں، قائداعظم کے وژن کی روشنی میں عوامی فلاح و بہبود کےمنصوبوں پر عمل پیرا ہے،ایک ایسا معاشرہ تشکیل دینے کے لیے پرعزم ہیں جو قائد کے اصولوں کا عملی مظہر ہو۔