ایک نیوز:پاکپتن پولیس کا کہنا ہے کہ چائےدیرسےبھجوانے پرلڑائی ہوئی اور ملزمان نے فائرنگ کردی جس کے نتیجے میں ہوٹل مالک،اسکا بھائی اور 2 راہگیروں سمیت 4 افراد زخمی ہوئے۔
تفصیلات کے مطابق پولیس کا کہنا ہے کہ لاری اڈہ بورے والا چوک عارفوالا میں ذوالفقار بھٹو لالہ ہوٹل سے کامران وغیرہ نے چائے کا آرڈر کیا،چائے میں دیر ہو جانے پر لڑائی ہو گئی اور ملزمان نے فائرنگ کر دی۔
پولیس کا کہنا ہے کہ لڑائی جھگڑے کے دوران مسلح افراد کی فائرنگ سے ذوالفقار بھٹو،اسکا بھائی،رکشہ ڈرائیور اور ایک راہگیر زخمی ہو گیا،زخمیوں کو ہسپتال منتقل کر دیا گیا تھا، ایک زخمی کی حالت تشویشناک بتائی جا رہی ہے،پولیس نے اطلاع ملتے ہی اہل علاقہ کی مدد سے کارروائی کرتے ہوئے ایک ملزم کو گرفتار کر لیا۔
پولیس ذرائع کا کہنا ہے کہ ملزمان کے خلاف مقدمہ درج کر لیا گیا ہے اور دیگر ملزمان کی گرفتاری کے چھاپے مارے جا رہے ہیں۔