ایک نیوز:سابق وزیراعظم شہباز شریف نے بڑے بھائی اور قائد ن لیگ نواز شریف کو 25دسمبرپر سالگرہ کی مبارکباددی ہے۔
تفصیلات کے مطابق شہباز شریف نے کہا کہ آج 25 دسمبر کو اپنے محترم بھائی اور قائد محمد نواز شریف کے یوم پیدائش پر میں انہیں مبارک باد پیش کرتا ہوں،خوش نصیبی ہے کہ قدرت کی طرف سے مجھے نواز شریف جیسا بھائی ملا جو جرات اور استقامت کا پیکر ہے اور ایثار و قربانی جس کا شعار ہے۔
سابق وزیراعظم شہبازشریف نے کہا کہ نواز شریف کی انتھک جدوجہد اور توانائی میرے لیے ہمیشہ مشعل راہ رہی ہے،سچ تو یہ ہے کہ ان کی موجودگی ہمیں بے پناہ حوصلہ بخشتی ہے، ایک طرف نواز شریف میرے لیے گراں قدر سرمایہ ہیں تو دوسری طرف وہ پاکستان کے موجودہ مشکل وقت میں ایک مدبر کا کردار ادا کر رہے ہیں،نواز شریف امید کا استعارہ ہیں،دعا ہے کہ اللہ تعالیٰ ہمارے سروں پر ان کا دست شفقت ہمیشہ قائم رکھے۔