ن لیگ اور پیپلز پارٹی کی مشترکہ کمیٹی کا اجلاس ختم،کوئی بریک تھرو نہ ہوسکا 

ایک نیوز:پاکستان مسلم لیگ ن اور پیپلز پارٹی کی مشترکہ کمیٹی کا اجلاس اختتام پذیر ہو گیا۔
گورنر ہاؤس میں ہونے والے اجلاس میں دونوں پارٹیوں کے رہنما شریک ہوئے، اسحاق ڈار اور راجہ پرویز اشرف نے مشترکہ طور پر اجلاس کی صدارت کی، ن لیگ کے رہنما رانا ثنا اللہ، مریم اورنگزیب، اعظم نزیر تارڑ اور ملک احمد خان شریک پیپلز پارٹی کی طرف سے راجہ حسن مرتضی اجلاس میں شریک ہوئے۔
گورنر پنجاب سردار سلیم حیدر خان ، ندیم افضل چن اور علی حیدر گیلانی ویڈیو لنک کے ذریعے اجلاس میں شریک ہوئے ، اجلاس میں پاور شئیر نگ کے وعدوں پر عمل درآمد کا جائزہ لیا گیا    ۔
پیپلز پارٹی اور ن لیگ کے درمیان اڑھائی گھنٹے جاری رہنے والے اجلاس میں کوئی بڑا بریک تھرو نہ ہو سکا ، پیپلز پارٹی نے ن لیگ کے سامنے پاور شئیرنگ کےلئے مطالبات کی فہرست رکھ دی، ن لیگ نے پیپلز پارٹی کے مطالبات پر جواب دینے کے لئے ایک ہفتے کی مہلت مانگ لی ۔
پیپلز پارٹی نے ن لیگ سے چار ڈویژن کے انتظامی اختیارات مانگ رہی ہے ، پیپلز پارٹی ملتان، بہاولپور ،ڈی جی خان اور پنڈی ڈویژن کے انتظامی اختیارات مانگ لئے، ن لیگ پیپلز پارٹی کے مطالبات پر جواب مرکزی قیادت سے پوچھ کر دے گی ، پیپلز پارٹی اجلاس میں ن لیگ کی وعدہ خلافیوں کے خلاف پھٹ پڑی، اسحاق ڈار ن لیگ کے سربراہ نواز شریف اور وزیراعلی مریم نواز شریف کو آج پیپلز پارٹی کے مطالبات سے آگاہ کریں گے ۔
وزیر قانون اعظم نذیر تارڑ نے پاور شئیرنگ فارمولے کے حوالے سے پیچیدہ قانونی نقاط سے پیپلز پارٹی کی قیادت کو آگاہ کیا ، ن لیگ کا پیپلز پارٹی کی طرف سے اختلافی امور میڈیا کے سامنے لانے پر ا عتر ا ض، گورنر ہاؤس میں ہونے والے اجلاس میں دونوں پارٹیوں کے رہنما شریک ہوئے ۔