ایک نیوز : برطانیہ میں مقیم برٹش پاکستانی طالبہ ماہ نور نے جنرل سرٹیفیکیٹ آف سیکنڈری ایجوکیشن (جی سی ایس ای) کے امتحان میں منفرد ریکارڈ اپنے نام کرکے آئن اسٹائن کو بھی پیچھے چھوڑ دیا۔
ماہ نور چیمہ نامی 16 سالہ بچی جنہوں نے پڑھائی کے میدان میں برطانیہ سمیت پوری دنیا میں تاریخ رقم کردی۔ ماہ نور چیمہ نے جی سی ایس ای کے امتحان میں 34 مضامین میں ریکارڈ کامیابی حاصل کرلی۔
ماہ نور چیمہ نے 16 سال کی عمر میں او لیول امتحان میں 10 مضامین اسکول سے اور 24 پرائیوٹ امیدوار کے طور پر دیے۔ ان 34 مضامین میں ماہ نور چیمہ نے اے اسٹار گریڈ حاصل کرکے دنیا کو حیران کردیا۔
علاوہ ازیں ماہ نور چیمہ کو ذہانت کے لحاظ سے دنیا کے سرفہرست ایک فیصد افراد میں شامل کیا گیا۔ ماہ نور کا آئی کیو لیول البرٹ آئن اسٹائن سے بھی زیادہ رہا۔ مینسا آئی کیو ٹیسٹ کے مطابق ماہ نور کا اسکور 161 رہا ہے۔
ماہ نور کے والدین عثما ن چیمہ اور طیبہ چیمہ کا تعلق لاہور سے ہے۔ یہ خاندان 2006 میں برطانیہ منتقل ہوا تھا۔