چین،88سالہ شہری نے ماڈلنگ کی دنیا میں قدم رکھ دیا

ویب ڈیسک:88 سالہ اداکار اور فیشن ماڈل ایک بار پھر سوشل میڈیا پر اپنی وجاہت کی وجہ سے سرخیاں بنا رہا ہے۔
 وانگ ڈیشون ایک 88 سالہ اداکار اور فیشن ماڈل ہیں جنہوں نے 2015 میں بیجنگ میں چائنا فیشن ویک کے رن وے پر چلنے کے بعد شہرت پائی۔اپنے مشہور واک آؤٹ کے بعد وانگ کو دنیا کے بڑی بڑی فیشن انڈسٹریز اور برانڈز سے پروجیکٹس ملنا شروع ہوگئے۔ اور اب وہ دنیا کے مشہور چینی اداکاروں اور ماڈلز میں سے ایک ہیں۔
وہ 1936 میں شہر شینیانگ میں ایک معمولی گھرانے میں پیدا ہوئے۔ ان کے والدین نے انکے اداکار بننے کے خواب کی حمایت اور حوصلہ افزائی کی۔
ماڈلنگ کی دنیا میں وانگ ڈیشون کے آنے کا واقعہ بھی بڑا دلچسپ ہے۔ انہوں کسی اور کی غلطی کی وجہ سے فیشن ماڈلنگ میں قدم رکھا۔ ہوا کچھ ہوں کہ ایک چینی ڈیزائنر ہو شیگوانگ چائنہ فیشن ویک میگزین کی خاتون ایڈیٹر سے گفتگو کر رہے تھے کہ اتنے میں خاتون ایڈیٹر کا فون بجنے لگا۔ جب اس نے اپنا فون باہر نکالا تو ہو شیگوانگ نے فون کی اسکرین پروانگ کی تصویر دیکھی۔
ہو شیگوانگ نے فوراً ہی وانگ کو اپنے پروجیکٹس کے حصے کے طور پر لینے کا فیصلہ کرلیا جس کے بعد وہ بلندیوں کی سیڑھی پر چلتے ہی چلے گئے۔
وانگ ڈیشون کے پاس پائلٹ کا لائسنس بھی ہے جبکہ انہوں نے چند عرصہ قبل ہی موٹرسائیکل اور گھوڑے کی سواری بھی سیکھی ہے۔