جاپان میں دریائی گھوڑے نے دھوکہ دیدیا

ویب ڈیسک:جاپان کے چڑیاگھر میں میں7 سال تک نر سمجھا جانے والا دریائی گھوڑا مادہ نکلی۔
 جاپان میں ایک چڑیا گھر انتظامیہ کی نا اہلی کہیں یا دریائی گھوڑے کی چالاکی جس نے 7 سال تک اپنی جنس کے حوالے سے انتظامیہ کو دھوکے میں رکھا۔ 
جاپان کے چڑیا گھر میں ایک دریائی گھوڑا 7 سال سے موجود ہے جسے 2017 میں 5 سال کی عمر میں امریکی ریاست میکسیکو  سے اوساکا لایا گیا تھا۔
رپورٹس میں بتایا گیا کہ اس دریائی گھوڑے کا نام انتظامیہ کی جانب سے جین چین رکھا گیا ہے جس کا تعلق افریقی نسل ہے اور جسے دستاویزات میں نر ظاہر کیا گیا تھا۔
انتظامیہ کی جانب سے بتایا گیا ہے کہ  زو کیپر  نے دریائی گھوڑے میں کسی بھی قسم کی نر  والی حرکات نہ دیکھیں تو شک کی بنا پر انتظامیہ نے دریائی گھوڑے کا ڈی این اے ٹیسٹ کروانے کا فیصلہ کیا۔
انتظامیہ کے مطابق دریائی گھوڑے کی ڈی این اے رپورٹ میں وہ 12 سالہ مادہ نکلی جس کیلئے انتظامیہ اب ساز گار ماحول پیدا کر رہی ہے۔