ایک نیوز : امریکی صدر جو بائیڈن نے 2024 میں ہونے والے صدارتی الیکشن میں حصہ لینے کا اعلان کردیا ، انہوں نے اپنی انتخابی مہم بھی شروع کردی ۔
عالمی خبر رساں ادارے کے مطابق امریکی صدر جوبائیڈن نے اپنی صدارت کے 4 سال پورے ہونے کے دن اعلان کیا کہ وہ آئندہ ہونے والے صدارتی الیکشن میں بھی سابق صدر ڈونلڈ ٹرمپ کے خلاف انتخاب لڑیں گے۔
امریکی صدر جوبائیڈن نے 2024 میں دوبارہ انتخاب کے لیے باضابطہ طور پر اپنی مہم کا آغاز کردیا۔ خیال رہے 80 سالہ جوبائیڈن کے امریکا کے معمر ترین صدر ہیں۔
صدر جوبائیڈن کو اس وقت بھی حکمراں جماعت ڈیموکریٹک کے ارکان کی اکثریت کی حمایت حاصل ہے اور وہ آئندہ ہونے والے صدارتی الیکشن کے لیے ڈیمو کریٹ کے سب سے مضبوط امیدوار ہیں۔
تاہم جماعت ڈیموکریٹک کے رہنماؤں کا کہنا ہے کہ صدرجوبائیڈن کی اگلی مدت کے لیے بھی صدر منتخب ہونے میں سب سے بڑی رکاوٹ ان کی عمر ہوسکتی ہے۔
واضح رہے کہ جوبائیڈن 2020 میں ہونے والے صدارتی الیکشن میں اس وقت کے صدر ڈونلڈ ٹرمپ کو شکست دیکر 46 ویں صدر بن گئے تھے اور کہا جا رہا ہے کہ 2024 میں بھی کوئی شخص ٹرمپ کو شکست دے سکتا ہے وہ جوبائیڈن ہیں۔
کیپشن: جوبائیڈن کا 2024 میں بھی صدارتی الیکشن لڑنے کا اعلان