ایک نیوز :کراچی اور لاہور کے درمیان طیاروں کو جی پی ایس سگنل میں دشواری کی اطلاعات موصول ہوئی ہیں۔
سول ایوی ایشن کی جانب سے جاری نوٹم کے مطابق فلائٹ انفارمیشن ریجن میں طیاروں کو جی پی ایس سگنلز ملنے میں دشواری رپورٹ ہوئی، کراچی اور لاہور کے اطراف 100 ناٹیکل میل دائرے میں جی پی ایس سگنلز میں دشواری رپورٹ ہوئی۔
سی اے اے نوٹم میں پائلٹس کو ہدایت کی گئی ہے کہ جی پی ایس سگنل ملنے میں دشواری کی صورت میں فوری آگاہ کیا جائے۔
ذرائع کا کہنا ہے کہ رحیم یارخان ائیرپورٹ کے اطراف بھی طیاروں کو جی پی ایس سگنل نہ ملنے کی شکایات موصول ہوئی ہیں، جی پی ایس سگنل میں دشواری سے طیاروں کے نیوی گیشن سسٹم پر منفی اثرات پڑ رہے ہیں۔
ذرائع کے مطابق جی پی ایس سگنل نہ ملنے سے طیاروں کو دوران پرواز شدید دشواری ہوتی ہے، کراچی اور لاہور ریجن میں پہلے بھی جی پی ایس سگنل ملنے میں دشواری رپورٹ ہوئی تھی۔
ذرائع سول ایوی ایشن کا بتانا ہے کہ تاحال جی پی ایس سگنل کے مسئلے کو مستقل بنیادوں پر حل نہیں کیا جا سکا ہے۔