ایک نیوز: قومی ہیرو ، ڈاکٹر صمد کو کیمبرج یونیورسٹی میں پاکستان کے پہلے خلائی سائنسدان ہونے کا اعزاز حاصل ہے۔
رپورٹ کے مطابق ڈاکٹر صمد کو کیمبرج یونیورسٹی میں پاکستان کے پہلے خلائی سائنسدان ہونے کا اعزاز حاصل ہے۔ ڈاکٹر یارجان عبدالصمد، پی ایچ ڈی، ایک ممتاز سینئر ریسرچ سائنٹسٹ اور معروف یونیورسٹی آف کیمبرج میں ٹیچنگ فیلو ہیں۔ ڈاکٹر صمد جدید ترین خلائی ٹیکنالوجیز کا مطالعہ کرتے ہیں اور اس شعبے میں انہیں متعدد باوقار ایوارڈز بھی مل چکے ہیں۔ڈاکٹر یارجان عبدالصمد کا تعلق بلوچستان کی ایک قصبے بلیدہ سے ہے ، ڈاکٹر صمد نے پاکستان میں غلام اسحاق خان انسٹی ٹیوٹ (GIKI) سے انجینئرنگ میں گریجوئیشن کیا۔
ڈاکٹر یارجان عبدالصمد نے ابتدائی تعلیم بلیدہ سے ہی حاصل کی ۔ڈاکٹر یارجان عبدالصمد کو ہمیشہ سے ہی زمینی ذخائر کو بروئے کار لانے میں خاص دلچسپی تھی ۔ڈاکٹر یارجان عبدالصمد مستقبل میں ایسی ٹیکنالوجیز متعارف کروانا چاہتے ہیں جو زمین کے ساتھ سپیس میں بھی کارآمد ثابت ہوں ۔ڈاکٹر یار جان نے بلیدہ میں ایک غیر منافع بخش اسکول کا آغاز کیا ہے جو دنیا بھر میں سب سے کامیاب اسکولنگ سسٹم کے مطابق بنایا گیا ہے ۔ڈاکٹر یارجان عبدالصمد کی یہ کاوش زندگیوں کو بدل رہی ہے اور بلیدہ کے روشن مستقبل کو تشکیل دے رہی ہے۔
ڈاکٹر یارجان عبدالصمد کاکہناہےکہ میرے لیے بہت فخر کی بات تھی کہ جن لوگوں کے بارے میں، مین نے کتابوں میں پڑھا تھا ان کے ساتھ کام کرنے کا موقع ملا۔ پاکستان کے ہر بچے میں اتنی صلاحیت موجود ہے کہ وہ میرے سے بھی زیادہ ترقی حاصل کرسکتا کے۔