ایک نیوز: راولپنڈی چکری کے قریب سی ٹی ڈی اور دہشت گردوں کے درمیان شدید فائرنگ کا تبادلہ ہواجس میں فتنہ الخوارج کے 3خطرناک نامعلوم دہشت گرد ہلاک جبکہ2فرار ہوگئے۔
سی ٹی ڈی نے دہشت گردوں کی گرفتاری کے لیے انٹیلی جنس بیسڈ کارروائی کی ، دہشت گردوں نے سی ٹی ڈی ٹیم پر فائرنگ کردی ، سی ٹی ڈی فائرنگ کے تبادلے میں 3 دہشت گرد اپنے ساتھیوں کی فائرنگ سے ہلاک ہوئےجبکہ 2 فرار ہو گئے ۔
دہشت گردوں سے خودکش جیکٹ ،سیفٹی فیوز وائر ،رائفلیں ،آئی ای ڈی بم ، گولیاں اور بارودی مواد برآمد ہوئے، فرار ہونے والے دہشت گردوں کی گرفتاری کے لیے سرچ آپریشن جاری ہے۔
ٹیموں نے چکری کے قریب ناکہ بندی کرلی ، ہلاک دہشت گردوں کی شناخت کا عمل جاری ہے ، دہشت گرد راولپنڈی پر بڑے حملے کی منصوبہ بندی مکمل کرچکے تھے۔
راولپنڈی میں سی ٹی ڈی سے مقابلے مارے جانے والے تینوں دہشت گردوں کی شناخت ہو گئی ،پنجاب سی ٹی ڈی نے مقدمہ درج کر کے مزید تفتیش شروع کر دی ہے ، ہلاک ہونے والے دہشت گردوں کا تعلق فتنہ خوارج سے تھا، دہشت گرد راولپنڈی میں بڑی تباہی پھیلانا چاہتے تھے۔