ایک نیوز : بھوجپوری فلم ڈائریکٹر سبھاش چندر تیواری کی پراسرار موت ۔۔۔ان کی لاش سون بھدر کے ایک ہوٹل کے کمرے سے ملی۔
یادرہے فلم 'دو دل بندھے ایک ڈوری سے' کی شوٹنگ ضلع میں گزشتہ 12 مئی سے چل رہی تھی۔ جس کی وجہ سے سبھاش چندر تیواری ایک پرائیویٹ ہوٹل میں ٹھہرے ہوئے تھے۔ موت کی اطلاع ملتے ہی پولیس نے لاش کو تحویل میں لے کر پوسٹ مارٹم کے لیے ڈسٹرکٹ اسپتال بھجوا دیا، فلم کی شوٹنگ مکمل ہونے کے بعد کئی اداکار ایک روز قبل ہی واپس چلے گئے تھے، جب کہ ہدایت کار آج واپس جانے والے تھے۔ رابرٹس گنج کوتوالی پولیس تمام زاویوں سے تحقیقات کر رہی ہے۔ موت کی اصل وجہ پوسٹ مارٹم رپورٹ آنے کے بعد ہی معلوم ہو سکے گی۔