نواز شریف سے رانا ثناکی ملاقات،پیپلزپارٹی سے مذاکرات بارے آگاہ کیا 

ایک نیوز:مسلم لیگ ن کے صدر نواز شریف کی سیاسی سرگرمیاں جاری ہیں،ن لیگ کے ذرائع کا کہنا ہے کہ میاں نواز شریف سے ن لیگ پنجاب کے صدر رانا ثنااللہ کی ماڈل ٹاون سیکرٹریٹ میں ملاقات ہوئی ہے۔
ذرائع کے مطابق رانا ثنااللہ نے میاں نواز شریف کو پیپلزپارٹی سے ہونے والے مذاکرات بارے بریف کیا، نواز شریف کی پارٹی رہنماؤں سے تنظیم نو کے حوالے سے بھی گفتگو ہوئی۔
رانا ثناللہ نے صدر ن لیگ نواز شریف کو صوبائی عہدیداران کی کارکردگی سے متعلق بھی بریف کیا،صدر ن لیگ نواز شریف نے پارٹی میں بڑی تبدیلیوں کا اشارہ بھی دے دیا ہے۔
ذرائع کا مزید کہنا ہے کہ صدر ن لیگ نواز شریف نے رانا ثنااللہ کو تنظیم سازی کے حوالے سے رپورٹ تیارکرنے کی ہدایت جاری کردی ہے۔