ایک نیوز :دبئی پاکستان کی سیاست کا نیا گڑھ بن گیا۔سربراہ ن لیگ نوازشریف ،وزیراعظم شہبازشریف،نائب صدر مریم نواز موجود،سابق صدر آصف زرداری کل دبئی روانہ ہوں گے۔
ذرائع کے مطابق سابق صدر آصف زرداری کا کل دبئی روانگی کا امکان ہے۔ سابق صدر آصف زرداری 2دن دبئی میں قیام کریں گے ۔آصف زرداری کی دبئی میں اہم سیاسی ملاقات کا امکان ہے۔
پاکستان مسلم لیگ (ن) کی نائب صدر اور چیف آرگنائزر مریم نواز شریف نجی دورے پہ دبئی روانہ ہوگئی ہیں۔ پارٹی قائد جناب محمد نواز شریف پہلے ہی دبئی پہنچ چکے ہیں۔ فیملی کے دیگر ارکان بھی ان کے ہمراہ ہیں
— Marriyum Aurangzeb (@Marriyum_A) June 24, 2023
پارٹی ذرائع کے مطابق نواز، شہباز اور مریم نواز آئندہ کے لائحہ عمل پر تفصیلی تبادلہ خیال کریں گے اور انتخابات کے حوالے سے معاملات کو فائنل کریں گے۔ اس کے بعد پارٹی قائد نواز شریف اور چیف آرگنائزر مریم نواز حج کی سعادت حاصل کرنے کیلئے سعودی عرب روانہ ہوں گے۔
ذرائع کا کہنا ہے کہ مریم نواز بھی اپنے والد کے ساتھ حج کریں گی۔ میاں نواز شریف اوردیگر سعودی عرب سے حج کی ادائیگی کے بعد واپس لندن آ جائیں گے۔ تاہم مریم نواز اپنے والد کے ساتھ لندن جاسکتی ہیں اور واپس پاکستان بھی آسکتی ہیں۔