ایک نیوز: صرافہ مارکیٹ میں سونے کی قیمت میں بڑا اضافہ دیکھنے میں آیا ہے، سونے کی فی تولہ قیمت میں 2300 روپے کا اضافہ ہوا ہے۔
اضافے کے بعد سونا 2 لاکھ 52 ہزار 800 روپے فی تولہ ہوگیا ،10 گرام سونے کی قیمت میں 1972 روپے کا اضافہ ہوا، 10 گرام سونا 2 لاکھ 16 ہزار 735 روپے پر پہنچ گیا ۔
عالمی مارکیٹ میں سونا 22 ڈالر کے اضافے سے 2413 ڈالر فی اونس کا ہوگیا جبکہ چاندی کی فی تولہ قیمت 2 ہزار 920 روپے پر مستحکم رہی ہے۔
گزشتہ روز صرافہ مارکیٹ میں سونے کی قیمت میں کمی دیکھی گئی تھی، سونے کی فی تولہ قیمت میں 500 روپے کی کمی ہوئی تھی۔
کمی کے بعد سونا 2 لاکھ 50 ہزار 500 روپے فی تولہ ہو گیا تھا، 10گرام سونے کی قیمت میں 429 روپے کی کمی ہوئی تھی، 10 گرام سونا 2 لاکھ 14 ہزار 763 روپے کا ہوگیا تھا ، عالمی مارکیٹ میں سونا 11 ڈالر کی کمی سے 2391 ڈالر فی اونس کا ہو گیا تھا۔