ایک نیوز : پنجاب حکومت نےغیررجسٹرڈ ٹیکنیکل تعلیمی اداروں کو بند کرنے کا فیصلہ کرلیا۔
پنجاب حکومت نےغیررجسٹرڈ ٹیکنیکل تعلیمی اداروں کو بند کرنے کا فیصلہ کرلیا۔پنجاب کے 315 غیررجسٹرڈ ٹیکنیکل تعلیمی اداروں کی نشاندہی کردی گئی۔ لاہورمیں سب سے زیادہ 52 غیررجسٹرڈ ٹیکینیکل تعلیمی اداروں کے خلاف کارروائی ہوگی۔
رپورٹ کےمطابق اکثریت ٹیکنیکل اورووکیشنل ادارے کمپیوٹر اور ٹیکنالوجی کی تعلیم دیتے ہیں، لاہورمیں سب سے زیادہ 52 غیررجسٹرڈ ٹیکنیکل تعلیمی ادارے موجود ہیں، بہاولنگرمیں27، بہاولپورمیں 15 غیررجسٹرڈ ٹیکنیکل تعلیمی اداروں کونوٹس جاری کردیے گئے۔
رپورٹ کے مطابق گوجرانوالہ اور راولپنڈی میں 16 ٹیکنیکل تعلیمی ادارے غیررجسٹرڈ ہیں۔ اس کے علاوہ خانیوال میں 15غیررجسٹرڈ تعلیمی ادارے کام کررہے۔
حکام کا کہنا ہےکہ ٹیکنیکل تعلیمی اداروں کی پنجاب سکلز ڈویلپمنٹ سے رجسٹریشن لازمی ہے۔ تمام غیر رجسٹرڈ ٹیکنیکل تعلیمی اداروں کو فوری کام بند کرنے کا حکم دے دیا گیا ہے۔ ٹیکنیکل تعلیمی اداروں میں فیکلٹی اور لیبارٹریزلائسنس کے معیار کے مطابق ہونا لازمی ہے۔