ایک نیوز نیوز: پی ٹی آئی رہنما شیریں مزاری نے کہا ہے کہ دوست مزاری کی انتخابی مہم چلانے پر آج مجھے انتہائی شرمندگی ہے۔
پی ٹی آئی رہنما شیریں مزاری نے اپنے ٹوئٹر پیغام میں کہا ہے کہ زندگی میں اس شخص نےکبھی کوئی کام نہیں کیا اور محض استحقاق پرہی زندگی گزارتا آیا ہے۔ نکما، نالائق اور نااہل ایسا ہے کہ سپریم کورٹ کا سادہ سا فیصلہ تک سمجھنے سے قاصر ہے، اب اس نےعدالت میں پیش نہ ہو کرخود کو ایک بزدل بھی ثابت کردیا ہے۔
نہایت شرمندہ ہوں۔اگرمقصد پر یقین+اپنےفیصلوں کو اپنانےکی تم میں ہمت ہےتو سامنےآکر مقابلہ کرو۔تحریک انصاف میں تو عمران خان کی قیادت میں تمام خواتین و محضرات قائدین نےصفِ اوّل میں لڑائی لڑی۔ہم تو محافظین کےنرغےمیں ہونےکےباوجود اپنی کرسی میں دُبک کر بیٹھےنہ ہی خوف سےلرزتےرہے۔
— Shireen Mazari (@ShireenMazari1) July 24, 2022
سابق وفاقی وزیرکا کہنا تھا کہ اگر مقصد پر یقین اور اپنے فیصلوں کو اپنانے کی ہمت ہے تو سامنے آ کر مقابلہ کرو، تحریک انصاف میں تو عمران خان کی قیادت میں تمام صفِ اوّل میں لڑائی لڑی، ہم تو تمہاری طرح محافظین کےنرغے میں ہونےکےباوجود اپنی کرسی میں دبک کر بیٹھے نہ ہی خوف سے لرزتے رہے۔