ایک نیوز :محکمہ تعلیم پنجاب نے صوبہ بھر کے تعلیمی اداروں میں جشن بہاراں منانے کاحکم نامہ جاری کردیا۔
سی ای اوز ایجوکیشن کو جاری مراسلہ میں سرکاری سکولز میں 16 مارچ کو کلچر ڈے بھی منانے کا اعلان کیاگیا۔ کلچر ڈے کے موقع پر اساتذہ اور طلبہ روایتی ملبوسات پہن کر شرکت کریں گے۔ کلچرل شو منعقد کئے جائیں گے۔
سکولوں میں ایک بچہ ایک پودا مہم کے تحت شجرکاری بھی کی جائے گی۔ تعلیمی اداروں میں 12 سے 16 مارچ تک فلاور شو، کلچرل سرگرمیاں، تقاریر، ڈرامے اور فن فیئر منعقد ہوں گے۔ جشن بہاراں سرگرمیوں کے دوران امتحانات کے شیڈول کو بھی مدنظر رکھا جائے۔