ایک نیوز: کراچی ماڈل کالونی کاظم آباد میں واقع نجی اسکول کے فن گالا پارٹی میں کانچ کا ٹکڑا لگنے سے طالب علم زخمی ہو گیا ہے۔
رپورٹ کے مطابق زخمی طالب علم حذیفہ کو طبی امداد کے لئے جناح اسپتال منتقل کردیا گیا ہے۔ پولیس کے مطابق حادثہ اسکول میں فن گالا پارٹی کے دوران پیش آیا، فن گالا پارٹی میں حذیفہ کو حادثاتی طور پر کانچ کی بوتل لگی ہے۔ واقعے کی مزید تحقیقات کی جا رہی ہیں۔
واضح رہے کہ ساہیوال میں تھانہ سول لائن کی حدود میں گورنمنٹ پوسٹ گریجویٹ کالج کے باہر مسلح افراد کی فائرنگ کی فائرنگ سے ایک طالب علم زخمی ہو گیا تھا۔ فائرنگ سے ایک طالب علم سرفراز احمد زخمی ہوا جبکہ فائرنگ کرنے والے دونوں نامعلوم افراد فرار ہونے میں کامیاب ہو گئے تھے۔