میکسیکو،چھوٹا طیارہ گر کر تباہ،7افراد ہلاک 

 ایک نیوز: میکسیکو میں چھوٹا طیارہ گر کر تباہ ہو گیا،حادثے میں7افراد ہلاک ہوئے۔
 خبر ایجنسی کے مطابق حادثہ میکسیکو کی مغربی ریاست جاسکو میں پیش آیا ، غیر ملکی میڈیا کی رپورٹس کے مطابق میکسیکو کی مغربی ریاست جالسکو میں چھوٹے طیارے کے حادثے میں7افراد ہلاک ہوئے ہیں۔
 جالسکو سول پروٹیکشن کے مطابق حادثہ جالسکو کے دور دراز جنگلاتی اور مشکل رسائی والے علاقے میں پیش آیا، ابتدائی معلومات کے مطابق جائے حادثہ سے7افراد کی لاشیں ملی ہیں جنکی شناخت فی الحال نہیں ہوئی۔ 
حکام کا کہنا ہے کہ حادثے کے بعد طیارے میں لگی آگ پر قابو پا لیا گیا ہے،حادثے کی تحقیقات کے لیے فرانزک ٹیمیں موقع پہنچ گئی ہیں اور تحقیقات کا آغاز کردیاگیا ہے۔