ایک نیوز: عام انتخابات کے سلسلہ میں سمبڑیال کی قومی و صوبائی اسمبلی کی نشستوں پر کاغذات نامزدگی جمع کروانے کا سلسلہ جاری ہے۔ اس حوالے سے قومی اسمبلی کی ایک اور صوبائی اسمبلی کی 2 نشستوں پر کاغذات نامزدگی جمع کروائے گئے ہیں۔
ریٹرننگ آفیسر کے مطابق قومی اسمبلی کے حلقہ این اے 74 میں ن لیگ اور پی ٹی آئی سمیت کل 19 امیدواران نےکاغذات نامزدگی جمع کروائے۔
صوبائی اسمبلی پنجاب کے حلقہ پی پی 52 سے پی ٹی آئی سمیت 33 امیدواران نے کاغذات نامزدگی جمع کرادئیے۔
صوبائی اسمبلی پنجاب کے حلقہ پی پی 53 سے کاغذات نامزدگی جمع کروانے والوں کی تعداد 25 ہوگئی۔