ایک نیوز: فی تولہ سونا نئی ریکارڈ سطح پر پہنچ گیا ،مقامی مارکیٹوں میں سونے کی قیمت نئی بلند سطح پر پہنچ گئی۔
فی تولہ سونے کی قیمت 1700 روپے اضافے سے 2 لاکھ 63 ہزار 700 روپے ہوگئی ،دس گرم سونے کی قیمت 1457 روپے اضافے سے 2 لاکھ 26 ہزار 80 روپے ہوگئی ۔
عالمی صرافہ مارکیٹ میں سونا 20 ڈالرز اضافے کے بعد 2512 فی اونس کی ریکارڈ سطح پر آگیا ہے، چاندی کی فی تولہ قیمت 2950 روپے پر مستحکم رہی ہے۔
واضح رہے کہ گزشتہ روز سونے کی فی تولہ قیمت 200 روپے اضافے کے بعد 2لاکھ 62ہزار روپے ہوگئی تھی، 10گرام سونا 172روپے مہنگا ہوگیا تھا جس کے بعد 10گرام سونے کی فی تولہ قیمت 2لاکھ 24ہزار 623روپے پر پہنچ گئی تھی جبکہ چاندی کی فی تولہ قیمت 2 ہزار 950 پر مستحکم رہی۔