ایک نیوز: پاکستان میں ایشیا کپ کا میلہ سجنا شروع ہوگیا ہے۔
رپورٹ کے مطابق نیپال کرکٹ ٹیم پریکٹس کے لیے نیشنل بینک اسٹیڈیم کراچی پہنچ گئی ہے۔حنیف محمد ریجنل ہائی پرفارمنس سینٹر گراؤنڈ پر مشقوں کا آغاز کردیا گیا۔نیپالی کھلاڑیوں نے فزیکل ٹریننگ سے تیاریوں کا آغاز کیا۔
مہمان سائیڈ 26 اگست تک کراچی میں ہی پریکٹس کریگی جس کے بعد ایشیا کپ افتتاحی میچ کھیلنے کیلئے 27 اگست کو ملتان روانہ ہوگی ۔نیپال کی ٹیم افتتاحی میچ میں 30 اگست کو ملتان کرکٹ اسٹیڈیم میں پاکستان سے مقابلہ کرے گی۔