بالی ووڈ اسٹارز کا بشن سنگھ بیدی کو خراج عقیدت

ایک نیوز:بالی ووڈ اسٹارز نے آنجہانی بھارتی کرکٹر بشن سنگھ بیدی کو خراج عقیدت پیش کیا ہے۔ نامور بھارتی کرکٹر بشن سنگھ بیدی آج 77 برس کی عمر میں چل بسے، وہ طویل عرصے سے علیل تھے۔
بشن سنگھ بیدی کی موت پر مائیکرو بلاگنگ ویب سائٹ ایکس پر اپنے پیغام میں شاہ رخ خان نے لکھا کہ ہماری زندگی ایسے لوگوں کے عزم اور جوش سے ترتیب میں آتی ہے جنہیں ہم اپنے ارد گرد دیکھتے ہیں۔انہوں نے دعائیہ کلمات ادا کرتے ہوئے تحریر کیا کہ زندگی اور کھیل کے بارے میں ہمیں بہت کچھ سکھانے کے لیے آپکا شکریہ۔
داکار سنجے دت نے تحریر کیا کہ کرکٹ کا کھیل آج ایک عظیم شخصیت سے محروم ہوگیا ہے، لیکن بشن سنگھ بیدی کے خوبصورت لمحات کی یادیں ہمیشہ زندہ رہیں گی۔ سنجے دت نے بشن سنگھ بیدی کے ورثاء اور پوری کرکٹ کمیونٹی سے ان کی موت پر اظہار تعزیت کیا۔ 
اداکار سنیل شیٹی نے اپنے پیغام میں لکھا کہ انہیں بشن سنگھ بیدی کی موت کا سن کر انتہائی افسوس ہوا۔