ایک نیوز:لیسکو کے پانچوں اضلاع میں بجلی چوروں کیخلاف آپریشن جاری جس میں مزید234بجلی چور پکڑے گئے ہیں۔
تفصیلات کے مطابق لیسکو حکام کا کہنا ہے کہ گزشتہ 24 گھنٹو ں کے دوران بجلی چوری میں ملوث23افراد کو گرفتار کرلیا گیا،ریجن بھر میں 234کنکشنز بجلی چوری میں ملوث پائے گئے۔155ملزمان کے خلاف ایف آئی آرز رجسٹرڈ ہو ئیں،پکڑے جانے والے کنکشنز میں 11 کمرشل،2 زرعی، ایک انڈسٹریل اور279 ڈومیسٹک تھے۔
ترجمان لیسکو کا کہنا ہے کہ تمام کنکشنز منقطع کرکے ان کوتین لا کھ سات ہزارپانچ سوستائیس یونٹس ڈٹیکشن بل کی مد میں چارج کئے گئے ہیں،24 گھنٹوں کے دوران چارج کئے گئے یونٹس کی مالیت ایک کروڑپنتیس لاکھ ترانوے ہزاردو سو چونتیس روپے ہے،نیوزنارکلی کے علاقے میں کنکشن کو600000 روپے جرمانہ کیا گیا، مانگٹانوالہ کے علاقے میں کنکشن کو249648روپے جر مانہ کیا گیا، موچی پورہ کے علاقے میں 180000 روپے جرمانہ کیا گیا، سبزہ زار کے علاقے میں ایک کنکشن کو150000روپے جرمانہ کیا گیا، اعدو شمار کے مطابق مہم کے دوران اب تک6725ملزمان کو گرفتار کیا گیا۔