پاکستانی اداکاروحید مرادکو بچھڑے41سال گز رگئے

ویب ڈیسک:لالی وڈ کے چاکلیٹی ہیرو وحید مرادکو دنیا سے بچھڑے41سال گز گئے۔
چاکلیٹی ہیرو کے لقب سے مشہور پاکستان فلم انڈسٹری کے سپر سٹار وحید مراد آج بھی مداحوں کے دلوں میں زندہ ہیں، وحید مراد نے 1959 میں 21سال کی عمر میں اپنے فلمی کیریئر کا آغاز فلم ساتھی سے کیا، انکی فلم ارمان نے تمام ریکارڈ توڑےاوروحید مراد راتوں رات سپر سٹار بن گئے۔
لباس، ہیئر سٹائل اور منفرد انداز کے سبب وحید مراد جیسی مقبولیت لالی وڈ کے کسی دوسرے ہیرو کے حصے میں نہ آسکی، وحید مراد نے 60ء اور 70ء کی دہائی میں شائقین کے دلوں پر راج کیا۔
وحید مراد نے 125 فلموں میں کام کیا جن میں سے 38 بلیک اینڈ وائٹ اور 87 کلرڈ فلمیں شامل ہیں، وہ پاکستان فلم انڈسٹری کے واحد اداکار تھے جنکی فلموں نے سب سے زیادہ پلاٹینم، ڈائمنڈ، گولڈن اور سلور جوبلیاں کیں۔
چاکلیٹی ہیرو کی بہترین فلموں میں دل میرا دھڑکن تیری، ہیرا اور پتھر، ارمان، عندلیب، مستانہ ماہی، دیور بھابھی، نصیب اپنا اپنا شامل ہیں، وحید مراد کو ستارہ امتیاز، لائف ٹائم اچیومنٹ اور نگار ایوارڈ سے بھی نوازا گیا۔