ایک نیوز:ٹی ٹونٹی بلائنڈ کرکٹ ورلڈ کپ میں ٹورنامنٹ کے افتتاحی روز تین میچ کھیلے جائیں گے۔
میزبان پاکستان ٹیم آج پہلے میچ میں جنوبی افریقہ کے مد مقابل ہوگی, دوسرے میچ میں سری لنکا اور نیپال کی ٹیموں کے درمیان میچ کھیلا جائے گا.
بھارتی ٹیم کے نہ آنے سے بنگلہ دیش ٹیم کو پہلے میچ میں واک اوور مل گیا ہے۔
خیال رہے کہ گزشتہ روز بلائنڈ ٹی ٹونٹی کرکٹ ورلڈ کپ کی افتتاحی تقریب لاہور میں دھوم دھام سے منعقد ہوئی تھی۔
تقریب میں پاکستان، بنگلہ دیش، جنوبی افریقہ، سری لنکا، افغانستان نے شرکت کی، تمام ٹیموں کو ڈھول کی تھاپ پر الحمرا ہال میں پہنچایا گیا، رومانیہ سے تعلق رکھنے والی نابینہ خاتون نے پاکستانی نغمہ سنا کر حاضرین سے خوب داد وصول کی۔
افتتاحی تقریب کے موقع پر کلچر شو بھی پیش کیا گیا، تمام صوبوں کی ثقافت کو اجاگر کیا گیا، تقریب میں ورلڈ کپ کی ٹرافی کی رونمائی بھی کی گئی۔