ایک نیوز: محصولات اور ٹیکس نیٹ بڑھانے پر ایف بی آر کے ساتھ مذاکرات کے لئے آئی ایم ایف کا تکنیکی وفد آئندہ ہفتے پاکستان پہنچے گا۔
ذرائع کے مطابق آئی ایم ایف کا تکنیکی وفد آئندہ ہفتے پاکستان پہنچ رہا ہے، وفد محصولات، ٹیکس نیٹ بڑھانے پر ایف بی آر سے مذاکرات کرے گا، اور یہ مذاکرت ایک ہفتہ جاری رہیں گے۔
ذرائع کے مطابق ایف بی آر اور آئی ایم ایف ٹیکس پالیسی میں ترامیم کیلئے اقدامات کریں گے، ٹیکس پالیسی میں ترامیم کا مقصد ٹیکس نیٹ کو وسیع کرنا ہے۔
ذرائع کا کہنا ہے کہ ریٹیلرز کیلئے اسکیم متعارف کرانے کا بنیادی ڈھانچہ بھی تیار کیا جائے گا، اور مزید 10 لاکھ لوگوں کو ٹیکس نیٹ میں لا کر ٹیکس دہندگان کی تعداد 60 لاکھ تک پہنچائی جائے گی۔ تکنیکی وفد کیساتھ مل کر ٹیکس پالیسی میں جو ترامیم کی جائیں گی وہ آئندہ بجٹ میں نافذالعمل ہوں گی۔