ایک نیوز: قومی کرکٹ ٹیم کے کپتان بابر اعظم کو پاکستان کے لیے نمایاں کاکردگی دکھانے پر ستارہ امتیاز سے نوازدیا گیا۔
رپورٹ کے مطابق بابر اعظم کوگورنر ہاؤس لاہور میں یوم پاکستان کے موقع پر ہونے والی تقریب میں ستارہ امتیاز سے نوازا گیا ہے۔گورنر پنجاب بلیغ الرحمان کی جانب سے بابر اعظم کو ستارہ امتیاز کا میڈل پہنایا۔
حکومت پاکستان نے گزشتہ سال 14 اگست کو اعلان کیا تھا کہ بابر اعظم کو ستارہ امتیاز دیا جائےگا۔
Babar Azam receiving the Sitara-e-Imtiaz award ????#Cricket #Pakistan pic.twitter.com/KO5BZLQjyq
— Cricket Pakistan (@cricketpakcompk) March 23, 2023
28 سالہ بابر یہ اعزاز حاصل کرنے والے پاکستان کے کم عمر ترین کھلاڑی بھی بن گئے ہیں۔ ان سے قبل پاکستان کے سابق کپتان سرفراز احمد ستارہ امتیاز حاصل کرنے والے سب سے کم عمر پاکستانی کرکٹر تھے۔
اس سے قبل پاکستان کرکٹ ٹیم کے سابق کپتان مصباح الحق، یونس خان اور شاہد آفریدی، جاوید میانداد اور انضمام الحق کو بھی ستارہ امتیاز مل چکا ہے۔