ایک نیوز :قومی کرکٹر محمد رضوان کی مسجد الحرام کے صحن میں صفائی کرتے ہوئے ویڈیو وائرل ہوگئی۔
تفصیلات کےمطابق قومی کرکٹرز کی بڑی تعداد حج کی ادائیگی کیلئے سعودی عرب میں موجود ہے جن میں کپتان بابر اعظم، محمد رضوان اور فخر زمان سمیت دیگر شامل ہیں۔
سوشل میڈیا پر محمد رضوان کی ایک ویڈیو تیزی سے وائرل ہو رہی ہے جس میں محمد رضوان مسجد الحرام کے صحن میں صفائی کر رہے ہیں۔
قومی کرکٹر کی صفائی کرنے کی ویڈیو کو سوشل میڈیا صارفین کی جانب سے بے حد سراہا جا رہا ہے۔خیال رہے کہ گزشتہ دنوں محمد رضوان کی امریکا میں سڑک پر نماز پڑھنے اور اذان دینے کی ویڈیو وائرل ہوئی تھی۔
Muhammad Rizwan winning hearts of everyone as usual❤️. MashaAllah.pic.twitter.com/ZDXZ5l2Tw8
— King Babar Azam Army (@babarazamking_) June 23, 2023
اس سے قبل انہوں نے ہارورڈ یونیورسٹی کےایجوکیشن پروگرام کے دوران اپنی استاد کو قرآن پاک کا انگریزی ترجمہ تحفے میں دیا تھا جس کی تصویر بھی سوشل میڈیا پر کافی وائرل ہوئی تھی۔