ایک نیوز: ایف آئی اے اور انٹرپول پاکستان نے کارروائی کرتے ہوئے مطلوب ملزم کو عمان سے گرفتار کرلیا ہے۔
رپورٹ کے مطابق ایف آئی اے کا کہنا ہےکہ ملزم کو عمان سے گرفتار کرکے اسلام آباد ائیرپورٹ منتقل کردیا گیا ہے، ملزم منڈی بہاؤالدین پولیس کو مطلوب تھا۔ ملزم کامران حنیف کے خلاف قتل کی دفعات کے تحت مقدمہ درج تھا، جسے ایف آئی اے امیگریشن نے منڈی بہاؤ الدین پولیس کے حوالے کردیا ہے۔
واضح رہے کہ ایف آئی اے نے بیرون ملک بیٹھ کر سوشل میڈیا پر قومی سلامتی کے اداروں کے خلاف ہرزہ سرائی کرنے والے افراد کو گرفتار کرنے کا بھی فیصلہ کیا ہے۔ ایف آئی اے نے ان افراد کو بیرون ملک سےگرفتار کرکے لانے کے لیے انٹرپول سے بھی رابطہ کرلیا ہے، ان افراد کے اکاؤنٹس ٹریک کرکے سائبر کرائم ایکٹ کے تحت مقدمات درج کیے جائیں گے۔