ایک نیوز :خیبر پختونخوا کی نگراں حکومت نے وزیر صنعت عدنان جلیل کو ڈی نوٹیفائی کردیا۔عوامی نیشنل پارٹی کے نگراں وزیر صنعت کو وزارت سے ہٹا دیا گیا۔
تفصیلات کے مطابق عوامی نیشنل پارٹی کے نگراں وزیر صعنت عدنان جلیل کو وزارت سے ہٹانے کی سمری سامنے آگئی ہے۔ گورنر خیبر پختونخوا غلام علی نے انہیں عہدے سے ہٹانے کی سمری پر دستخط کردیے ہیں۔
سمری میں نگراں وزیر عدنان جلیل کو ڈی نوٹیفائی کرنے کی سفارش کی گئی تھی۔ معاون خصوصی مطیع اللّٰہ مروت کو بطور نگراں وزیر صنعت تقرر کیا جائے جبکہ اشرف اللّٰہ کو معاون خصوصی برائے فنی تعلیم مقرر کیا جائے۔نگراں وزیر اور معاون خصوصی مطیع اللّٰہ مروت کی حلف برداری کی تقریب صبح 10بجے ہوگی۔ گورنر خیبر پختونخوا غلام علی پیر کے روز نئے نگراں وزیر اور معاون خصوصی مطیع اللّٰہ سے حلف لیں گے۔