ایک نیوز: اسٹیٹ بینک کی جانب سے زرمبادلہ کے ذخائر کے اعداد و شمار کی ہفتہ وار رپورٹ جاری کردی گئی۔
رپورٹ کے مطابق زرمبادلہ کے سرکاری ذخائر میں گزشتہ ہفتہ کے دوران 27 کروڑ 63 لاکھ ڈالر کی کمی ہوئی ،17 جنوری تک زرمبادلہ کے سرکاری ذخائر کی مالیت 11 ارب 44 کروڑ 87 لاکھ ڈالر ریکارڈ کی گئی ہے۔
اسٹیٹ بینک آف پاکستان کے مطابق کمرشل بینکوں کے ذخائر میں 1 کروڑ 47 لاکھ ڈالر کا اضافہ ہوا ،کمرشل بینکوں کے پاس 4 ارب 74 کروڑ 6 لاکھ ڈالر کے ذخائر موجود ہیں ،زرمبادلہ کے مجموعی ملکی ذخائر 16 ارب 18 کروڑ 93 لاکھ ڈالر کی سطح پر ہیں ۔