ایک نیوز: آئی ایس پی آر کے مطابق پاک بحریہ نے ٹاسک فورس 151 کی قیادت گیارہویں مرتبہ سنبھال لی ہے۔
پاک کے شعبہ تعلقات عامہ (آئی ایس پی آر) کے مطابق کمان کی تبدیلی کی تقریب کمبائنڈ میری ٹائم فورسز ہیڈکوارٹرز بحرین میں منعقد ہوئی ،تقریب میں پاکستان اور ترکیہ کے سفیروں سمیت دیگر سفارتی اور عسکری شخصیات نے شرکت کی، پاک بحریہ کے کموڈور سہیل احمد عظمی کمبائنڈ ٹاسک فورس-151 کے نئے کمانڈر تعینات ہوگئے،اس سے پہلے یہ کمانڈ ترک بحریہ کے پاس تھی ۔
آئی ایس پی آر کے مطابق کمبائنڈ ٹاسک فورس-151 میری ٹائم سیکیورٹی، بحری قزاقی اور سمندر میں دہشت گردی کی روک تھام کو یقینی بناتی ہے ۔
ترجمان پاک فوج کے مطابق کموڈور سہیل احمد عظمی نے کہا کمبائنڈ ٹاسک فورس-151 خطے میں امن و استحکام کیلئے پاک بحریہ دیگر ممالک کی بحری افواج کے ساتھ مل کر کام کرتی رہے گی۔