پاک نیوزی لینڈ 20سیریز کا عارضی شیڈول آگیا

ویب ڈیسک:پاک نیوزی لینڈ 5میچوں پرمشتمل ٹی20سیریز اپریل کے دوسرے ہفتے میں شیڈول ہونے کا امکان ہے۔
پاکستان اور نیوزی لینڈ کے درمیان 5 میچوں کی ٹی20 سیریز راولپنڈی اسٹیڈیم اور لاہور کے قذافی سٹیڈیم میں کروائے جانے کا قوی امکان ہے جبکہ 13 سے 23 اپریل کے درمیان تاریخوں پر غور کیا جارہا ہے۔
رپورٹس میں دعویٰ کیا گیا ہے کہ دونوں بورڈز نے سیریز کے شیڈول کو حتمی شکل دینے کیلئے بات چیت شروع کردی ہے۔
دوسری جانب کراچی ویسٹ انڈیز کی خواتین کرکٹ ٹیم کے خلاف سیریز کیلئے 3 ون ڈے اور 5 ٹی20 میچز کی میزبانی کرے گا۔ کیرئبین خواتین ٹیم اپریل کے دوسرے ہفتے میں پاکستان پہنچے گی۔
قبل ازیں پاکستان اور نیوزی لینڈ کے درمیان 5 ٹی20 میچز پر مشتمل سیری میں کیویز نے گرین شرٹس کو 1-4 سے شکست دی تھی۔