اسلام آباد: وزیراعظم شہباز شریف نے ایک لاکھ نوجوانوں کو مفت لیپ ٹاپ دینے کا اعلان کردیا۔
تفصیلات کےمطابق نوجوانوں کو قرض (یوتھ لون) اسکیم کی افتتاحی تقریب سے خطاب کرتے ہوئے وزیراعظم نے کہا کہ حکومت ایک لاکھ نوجوانوں میں میرٹ کی بنیاد پر مفت لیپ ٹاپ تقسیم کرے گی۔
وزیراعظم نے میرٹ کے حوالے سے بتایا کہ ملک بھر میں تعلیم کے شعبے میں نمایاں کارکردگی دکھانے والے نوجوانوں منتخب کر کے انہیں لیپ ٹاپ دیے جائیں گے۔
انہوں نے کہا کہ ’نوجوانوں کو کوئی کلاشنکوف نہیں دے رہا بلکہ ہم انہیں بہتر مستقبل اور روزگار کیلیے لیپ ٹاپ دے رہے ہیں‘۔ انہوں نے کہا کہ پنجاب حکومت نے پہلے جو لیپ ٹاپ دیے وہ نوجوانوں وہ نوجوانوں کیلیے روزگار کا باعث بنے۔