ایک نیوز: ترکیہ زلزلہ میں شہریوں کے مدد کرنے کے بعد بھر پور عوامی تالیوں کے ساتھ ریسکیو ٹیم 1122 پاکستان کے لئے روانہ ہو گئی ہے۔
رپورٹ کے مطابق ترکیہ میں زلزلہ کی وجہ سے آنے والی قیامت خیز تباہی میں ترکیہ کی عوام کی مدد کرنے کیلئے ریسکیو اہلکاروں کا دستہ ترکیہ گیا تھا۔ ترکیہ نے پاکستان ریسکیو ٹیم کو زبردست خراج تحسین پیش کیا۔ پاک ریسکیو نےادیامان اورہاتائےمیں 6لوگوں کو زندہ ملبے کے نیچے سے نکالا۔ ریسکیو اہلکاروں کا اس موقع پر کہنا ہے کہ مشکل وقت میں اپنے بھائیوں کے ساتھ کھڑا ہونا ہمارا فرض ہے۔
بھر پور عوامی تالیوں کے ساتھ پاک ریسکیو ٹیم 1122 پاکستان کے لئے روانہ
— RTEUrdu (@RTEUrdu) February 23, 2023
ترکیہ نے پاکستان ریسکیو ٹیم کو زبردست خراج تحسین پیش کیا
پاک ریسکیو نےادیامان اورہاتائےمیں 6لوگوںکو زندہ ملبے کے نیچے سے نکالا۔
مشکل وقت میں اپنے بھائیوں کے ساتھ کھڑا ہونا فرض ہے۔
#pakistan #TurkeyQuake pic.twitter.com/WKF1Q9TCbJ
واضح رہے کہ زلزلہ زدگان کی مدد کے لیے پاکستان کی ریسکیو ٹیم ترکیہ گئی تھی۔پاکستان ریسکیو کی 51 رکنی خصوصی ٹیم امدادی سرگرمیوں میں حصہ لینے کے لیے ترکیہ گئی تھی۔ خصوصی ٹیم لاہور ایئرپورٹ سے روانہ ہوئی تھی، جس کی قیادت ڈاکٹر رضوان نصیر کررہے تھے۔ ترجمان ریسکیو کے مطابق پاکستان سرچ اینڈ ریسکیو ٹیم یو این سرٹیفائیڈ تھا۔ 51 رکنی اربن سرچ اینڈ ریسکیو ٹیم انٹرنیشنل رسپانس کا حصہ تھا۔امدادی کاموں میں مصروف ریسکیو آفیسر دیبا شہناز کا کہنا تھا کہ ترکیہ آتے ہی ریسکیو آپریشن شروع کردیا تھا اور ان کی ٹیم نے ملبے تلے دبے 6لوگوں کو زندہ ملبے کے نیچے سے نکالا۔
دیبا شہناز کا کہنا تھا کہ جہاں بھی انسانی زندگی کے آثار ہوتے ہیں وہاں پاکستانی ٹیم جدید آلات استعمال کرکے امدادی آپریشن کرتی ہے۔ ترکیہ میں موجود پاکستانی شہری بھی امدادی کاموں میں پیش پیش رہےجب کہ زلزلے کے مصیبت زدہ لوگوں کو مشکل وقت میں سہارا دینے کے لیے پاکستانی ریسکیو ٹیم دن رات کام کرتی رہی ہے۔