کیانمونیا کا ٹیکہ دماغی بیماریوں کیلئےبھی فائدہ مند؟

ایک نیوز:ایک نئی تحقیق میں انکشاف ہوا ہے کہ شِنگلز (جلد کی ایک بیماری) اور نمونیا کے انجیکشن بوڑھے افراد کو الزائمر کے مرض سے لڑنے میں مدد دے سکتے ہیں۔
امریکی شہر ہیوسٹن میں قائم یونیورسٹی آف ٹیکساز ہیلتھ سائنس سینٹر کے محققین کے مطابق لگائی جانے والی شنگلز ویکسین، نمونیا ویکسین یا ٹیٹنس اور ڈائفتھیریا ویکسین کا تعلق الزائمر کا مرض لاحق ہونے میں25 فیصد سے30 فیصد تک کمی سے پایا گیا۔
یہ تحقیق گزشتہ برس شائع ہونے والی تحقیق کو دیکھتے ہوئے کی گئی ہے جس میں بتایا گیا تھا کہ وہ لوگ جنہوں کم از کم ایک فلو انجیکشن لگوایا تھا ان کے غیر ویکسین شدہ افراد کی نسبت الزائمر کے مرض میں مبتلا ہونے کے امکانات40 فیصد کم تھے۔
جامعہ میں نیورولوجی کے پروفیسر اور تحقیق کے سینئر مصنف ڈاکٹر پال شولز کا کہنا تھا کہ محققین کا خیال تھا کہ یہ محض فلو کی ویکسین تک مخصوص ہے۔ اس تحقیق میں حاصل ہونے والے ڈیٹا سے یہ معلوم ہوتا ہے کہ بڑی عمر کے افراد کو لگائی گئیں متعدد ویکسین کا تعلق الزائمر لاحق ہونے کے خطرے میں کمی سے ہے۔
تحقیق کیلئے محققین نے16 لاکھ مریضوں کے طبی ریکارڈ کا جائزہ لیا۔ ان افراد میں دونوں اقسام کے مریض شامل تھے جنہوں نے بڑی عمر میں معمول کی ویکسین لگوائیں بھی تھیں اور نہیں بھی۔
دو سالہ لُک بیک دورانیے کے دوران مریض ڈیمینشیا میں مبتلا نہیں تھے اور اس آٹھ سالہ تحقیق کے ابتداء کے وقت مریضوں کی عمر کم از کم 65 برس تھی۔
تحقیق کے مطابق وہ افراد جنہوں نے ٹیٹنس اور ڈائفتھیریا سے بچنے کیلئے ویکسین لگوائی تھی ان کے ویکسین نہ لگوانے والوں کی نسبت الزائمرز میں مبتلا ہونے کے امکانات30 فیصد کم تھے۔ ویکسین شدہ افراد میں الزائمرز کی شرح تقریباً7 فیصد جبکہ غیر ویکسین شدہ میں یہ شرح10 فیصد تھی۔
شنگلز ویکسین کا تعلق الزائمرز کا مرض25 فیصد تک کمی سے تھا (ویکسین شدہ افراد میں الزائمرز کی شرح8 فیصد جبکہ غیر ویکسین شدہ میں یہ شرح11 فیصد تھی)۔ نمونیا ویکسین کا تعلق27 فیصد کمی سے تھا (ویکسین شدہ افراد میں الزائمرز کی شرح8 فیصد جبکہ غیر ویکسین شدہ میں یہ شرح10 فیصد تھی)۔